Noon at Ngayon

Paghambingin nga natin

NOON ang mga punda, kumot, kubrekama pati na panyo ay ina-almerol ni Nanay para hindi daw madaling kapitan ng dumi at alikabok. Kaya mabenta nun ang cornstarch.

NGAYON, cotton at silk na ang ginagamit.

NOON sa paglalaba ginagamitan pa ng palo-palo para daw mas maalis ang dumi at mas maputi pag kinukula. Mas maaraw mas maputi. Kaya nga uso nun ang nakawan ng damit iniwan lang sa ibabaw ng kulahan. Ubos pa ang maghapon sa paglalaba lang.

NGAYON may washing machine. Hindi na masyadong mahirap magkusot. At sa pagbabanlaw. Gumamit lang “isang banlaw” sachet. Pakabanlaw i-dyer at isampay. May panahon na mag-window shopping. Window lang kasi nagtitipid.

NOON ang karamihan ang gamit sa hapag kainan, plato, baso, tasa, platito, pitsel,mangkok puro babasagin. Sa dalas ng pagaaway ng mga magasawa madaling maubos mga gamit na ito lalo na pag laging umuwi ng madaling araw ang lalaki. Kaya malakas ang business ng glassware company nun.

NGAYON puro hard plastic na, melaware. At mula plato hanggan baso iisa ang design. Minsan lumilipad pa din ang mga gamit pero hindi na ganun kadaling mabasag.

NOON pag nagluto ng kanin, dapat bantayan at kung mapabayaan, masusunog ito. Wala ng kakainin. Pwera na lang kung mahilig kang kumain ng tutong.

NGAYON may rice cooker na. Lagay mo lang ang nahugasang bigas, sabawan, at takpan. I-plug sa kuryente at i-on. Pwede ka ng mag telebabad at kung tinatamad ka pang magluto ng ulam, isabay mo na yung itlog sa sinaing. Pasingawan mo na rin ang kamatis.

NOON ang pag-i-init ng tubig kailangan din bantayan kung hindi tiyak na matutuyuan ang takure. Nakakahiya diba,. Tubig na lang nasunugan pa.

NGAYON, electric percolator lang ang katapat. I-plug lang kusa na itong mamamatay pag kumulo na.

NOON ang mga balita at drama kalimitan sa radio lang. Kaya damang dama mo ang mga malulungkot na salita.

NGAYON naka tv na. Kaya nga tele-radyo ang tawag.

NOON kahit sa panonood ng TV na e-exercise ka pa din. Kasi pag hindi mo gusto ang palabas tatayo ka para ilipat ang channel. Pag masyadong malakas ang electric fan ganun din. Na exercise ang paa mo at binti pati kamay.

NGAYON remote control ang katapat niyan. Kaya may 3 remote control sa center table.

NOON nagaaway mga bata sa telepono para tawagan mga classmate nila.

NGAYON bawat isa may cellphone.

Madami pa. Kayo naman ang sa iba pa.